PIETER RICHMULLER - BIOGRAFIE

Piet Pompies, oftewel Pieter Rischmüller die Vermaaklikheids kunstenaar en grapkas het sy naam gekry by die bekende skrywer en regiseur Mike Heine. Piet het saam met hom gewerk by die Radio waar hulle vervolgverhale vervaardig het. Mike het sy eerste optrede met die bolhoed bygewoon en hom onmiddellik laat dink aan die destydse vermaaklikheids kunstenaar en grapkas Piet Pompies aka Pieter Van Der Bijl. Piet het die naam gaan navors en gesien dit behoort tans aan niemand nie en was die perfekte handelsnaam vir hom. Dus behoort hierdie “stage name” nou aan ons eie Piet Pompies, die egte Suid-Afrikaanse Vermaaklikheidspersoonlikheid.

Musiek is in sy bloed! Sy Oupa, van Duitse afkoms het hulle een keer ‘n maand op Sondae as familie almal laat byeenkom en na ete moes die kinders hul vermaak met sang, musiek en voordrag.. Sy Pa was weer die orrelis in hul kerk. Op Laerskool het hy al aan konserte deelgeneem en op Hoërskool selfs in die orkes gespeel. Na skool studeer hy klankingenieurswese en doen dan ook klank vir die Staatsteater, kunstenaars plaaslik sowel as internasionaal.

Hy sluit aan by die radio as omroeper, rugby kommentator en program aanbieder. In die tyd het DJ Ossewa ontstaan waar hy voorsanger was vir amper 10 jaar. Hy besluit egter in 2014 om sy vlerke te sprei, nuwe horisonne te ontdek en avonture te beleef. ‘n Besliste besluit is dat hy die wêreld aan die brand gaan sing, gehore te vermaak met sy voetstamp, polsende lyfswaai liedjies, spitsvondige ensprankelende verhoogspersoonlikheid.Hy word beskou as die figuur met die beste verhoogspersoonlikheid en voeg mens bietjie diversiteit en musikale vermoë daarby het jy ‘n wenresep vir ‘n ongelooflike musikale ondervinding met liedjies soos Briljantjie, Lyf is soos ‘n lovesong, Fynbos, Strawberry Vrou, Engeltjie, Hand to get, Hoop en Hoop en Malverlief.

Sy eerste solo album met die title “SOLO” het Oktober 2014 sy verskyning gemaak en sedertdien word dit op verskeie radio stasies dwarsoor die land en wêreld gespeel. Sy volgende album verskyn binnekort in 2016 en weereens beloof Piet Pompies om vars nuwe treffers op die album te sit. In sy 20 jaars in die vermaaklikheids bedryf het hy al vele gewilde liedjies geskryf en beloof sy nuwe album gaan weer verras wees met nog kopskuif gunstelinge.